helsinki design week & arts & lights in tallin dagana 26. – 28. september 2008 fór fram í tallin í eistlandi hin árlega menningarhátíð
Helsinki Design week & Arts & Lights in Tallin
Dagana 26. – 28. september 2008 fór fram í Tallin í Eistlandi hin
árlega menningarhátíð
Arts & Lights in Tallin. Hluti af hátíðinni er vegleg hönnunarsýning
sem ber
heitið Tallin Design Night þar sem hin eistnesku hönnunarverðlaun
BRUNO eru
afhent auk þess sem hönnunarsýningar, tískusýningar, fyrirlestrar
o.fl. er á döfinni.
Í ár var íslensk hönnun í brennidepli á hátíðinni en á hverju ári
velja hátíðarhaldarar eitt
land utan eistneskra landsteina til sérstakrar kynningar og samræðu.
Hönnunarhátíðin Design Night er auk þess hluti af hönnunarsýningunnin
Helsinki Design
Week sem fór fram 25. september – 6. október í Finnlandi og var
íslenska hönnunarsýningin
send til Helsinki til að taka þátt í hönnunarvikunni þar, að lokinni
hátíðinni í
Tallin.
Sendiráðið styrkti sýningarnar og var Päivi Kumpulainen fulltrúi
sendiráðsins viðstödd við opnun sýningarinnar í Tallinn og Hannes
Heimisson sendiherra var viðstaddur sýningarinnar í Helsinki. Þetta
var í fyrsta sinn sem íslenskir listamenn sýna í Tallin. Það er mikill
ávinningur og viðurkenning fyrir íslenska hönnun að vera boðið að taka
þátt í þessum sýningum. Það að Ísland skuli vera í brennidepli og í
aðalhlutverki á sýningunni í Tallin fól í sér mikinn heiður, kynningu
og markaðsmöguleika fyrir íslenska hönnun. Mikið af íslensku mununum
er komið í sölu í eistnesk gallerí. Auk þess sem heiður er að því að
vera boðið til þátttöku í hönnunarviku hönnunarþjóðarinnar Finna. Þess
má geta að lokum að Friðgerður Guðmundsdóttir listakona gaf
sendiráðinu verk sín sem voru notuð til að kynna íslenskar bókmenntir
á bókamessunni í Turku.
Íslenskir þátttakendur á sýningunum voru:
Aðalsteinn Stefánsson og Aleksej Iskos
Vík Prjónsdóttir www.vikprjonsdottir.com
Tinna Gunnarsdóttir www.tinnagunnarsdottir.com
Katrína Ólína Pétursdóttir www.katrinolina.com
Guðlaug Friðgeirsdóttir og Elle Kunnos www.fridgeirsdottir-kunnos.com
Sruli Recht www.srulirecht.com
Friðgerður Guðmundsdóttir
Siggi Eggertsson www.vanillusaft.com
Guðrún Lilja Gunnlaugsdóttir www.studiobility.com
Þórunn Árnadóttir www.thorunndesign.com
Dögg Design www.doggdesign.com
Borðið www.bordid.info
Hrafnkell Birgisson www.hrafnkell.com
Ingibjörg Hanna Bjarnadóttir www.ihanna.net